Botë

Putini po i përgatit rusët për nisjen e luftës kundër NATO-s

Putin: Do të përgjigjemi shpejt ndaj atyre që përzihen në Ukrainë
 

Ekspertët vlerësojnë se kërcënimet e fundit të bëra nga zyrtarët rusë në lidhje me hakmarrjen ndaj vendeve që ndërhyjnë në luftën që po zhvillohet në Ukrainë, mund t’i shërbejnë një qëllimi të dyfishtë për të paralajmëruar nga njëra anë fuqitë perëndimore, e nga ana tjetër për të përgatitur qytetarët rusë dhe fituar mbështetjen e tyre nëse shpërthen një konflikt në shkallë të plotë me NATO-n.

Presidenti rus Vladimir Putin deklaroi gjatë një fjalimi të mbajtur të mërkurën e javës së kaluar se çdo vend që “krijon një kërcënim strategjik për Rusinë” gjatë luftës së saj në Ukrainë, duhet të presë “sulme hakmarrëse” nga ana e ushtrisë ruse që do të ishin “të shpejta si rrufeja”.