Presidenti ukrainas, Volodymyr Zelensky ka akuzuar Rusinë se e ka kthyer rajonin lindor të Donbasit në "ferr", ndërsa luftimet intensive atje vazhdojnë.
Duke folur gjatë fjalimit të tij të natës nga Kievi, ai tha se forcat ruse kanë rrafshuar rajonin.
"Ka sulme të vazhdueshme në rajonin e Odesës, në qytetet e Ukrainës qendrore. Donbasi është shkatërruar plotësisht," tha ai, raporton BBC të premten.
“E gjithë kjo nuk ka dhe nuk mund të ketë ndonjë shpjegim ushtarak për Rusinë. Kjo është një përpjekje e qëllimshme dhe kriminale për të vrarë sa më shumë ukrainas që të jetë e mundur. Shkatërroni sa më shumë shtëpi, objekte sociale dhe ndërmarrje”, shtoi Zelensky.
Të enjten, ministria e mbrojtjes e Ukrainës akuzoi Rusinë për intensifikimin e sulmeve të saj në Donbas dhe parandalimin e largimit të civilëve.
© KOHA. Të gjitha të drejtat janë të rezervuara.
