1 perditesime
Botë

Dorëhiqet Johnson: Partia dëshiron të zgjedhë lider e kryeministër të ri

Dorëhiqet Johnson: Partia dëshiron të zgjedhë lider e kryeministër të ri
13:37

Dorëhiqet Johnson: Partia dëshiron të zgjedhë lider e kryeministër të ri

Boris Johnson ka dhënë dorëheqje nga pozita e kryeministrit të Britanisë së Madhe, pak para se t’i mbushte tre vjet në krye të vendit.

Në fjalimin e dorëheqjes, Johnson ka thënë se “në politikë askush nuk është i pazëvendësueshëm”.

Johnsoni ka thënë se i dhemb largimi, duke shtuar se po lëshon pozitën “më të mirë në botë”.

Johnsoni ka dhënë dorëheqje nga kryesimi i Partisë Konservatore në Britaninë e Madhe. Ai ka thënë se partia ka shprehur dëshirën për të zgjedhur lider të ri të partisë dhe rrjedhimisht kryeministër të ri.

Ai ka paralajmëruar se lëvizjet për liderin e ri do të nisin javën e ardhshme. Është shprehur i gatshëm të shërbejë deri në zgjedhjen e lidershipit të ri.

 

10:45

Boris Johnson pranon të dorëhiqet

Kryeministri i Britanisë së Madhe, Boris Johnson do të japë dorëheqjen si lider i konservatorëve sot, derisa pritet të vazhdojë si kryeministër deri në vjeshtë, shkruan BBC-ja.

Një garë për lidership të konservatorëve do të zhvillohet gjatë verës, ndërkaq deri në konferencën e konservatorëve në tetor do të jetë një kryeministër i ri.

“Kryeministri ka folur me Graham Brady dhe ka rënë dakord të largohet në kohë që një udhëheqës i ri të jetë në vendin e konferencës në tetor”, ka thënë një burim.

Dorëheqja vjen pas një numri rekord dorëheqjesh në kabinetin qeveritar.