Policia në Estoni ka arrestuar dy burra të dyshuar për drejtimin e një mashtrimi me kriptovaluta, në vlerë prej 575 milionë dollarësh, e që përfshin qindra mijëra viktima.
Policia estoneze hetoi rastin me FBI-në, dhe autoritetet amerikane duan t’i ekstradojnë burrat - estonezët Sergei Potapenko dhe Ivan Turogin.
Dy 37-vjeçarët dyshohet se i shtynë njerëzit të investojnë në një shërbim të minierave të kriptomonedhave të quajtur "HashFlare" dhe një bankë virtuale të rreme të quajtur "Polybius", raportoi BBC-ja të martën.
Një aktakuzë amerikane ndaj tyre tashmë është lëshuar.
Një deklaratë nga Departamenti Amerikan i Drejtësisë (DoJ) thotë se dyshja akuzohen për mashtrim me telegram dhe komplot për të kryer pastrim parash - krime të dënueshme me deri në 20 vjet burgim.
"Të pandehurit janë paraqitur në gjykatë në kryeqytetin estonez Talin, dhe po mbahen në pritje të ekstradimit në SHBA", thuhet në deklaratë.
Miniera e kriptove përdor kompjuterë për të gjeneruar monedha virtuale për fitim, një proces që konsumon sasi të konsiderueshme të fuqisë kompjuterike.
Konsumatorët në mbarë botën thuhet se kanë blerë më shumë se gjysmë miliardë dollarë kontrata "HashFlare" nga viti 2015 deri në 2019.
Ndërkaq, të pandehurit thuhet se kanë mbledhur 25 milionë dollarë në këtë mënyrë. Ata arritën t’i pastrojnë paratë e përfituara në mënyrë kriminale duke blerë të paktën 75 prona dhe makina luksoze.
Rasti vjen në një kohë nervozizmi të shtuar në tregun e kriptovalutave, pas falimentimit të shkëmbimit të dytë më të madh të kriptove në botë, FTX.
Firma aplikoi për falimentim në SHBA javën e kaluar dhe u detyrohet 50 kreditorëve të saj më të mëdhenj, pothuajse 3.1 miliardë dollarë, sipas një dosjeje gjyqësore.
© KOHA. Të gjitha të drejtat janë të rezervuara.
