Akullthyesja bërthamore ruse niset drejt Detit të Veriut
Presidenti rus Vladimir Putin ka inauguruar dy akullthyese të reja bërthamore për ta zgjeruar flotën në rritje të anijeve që e bëjnë Rrugën e Detit të Veriut të lundrueshme gjatë gjithë vitit.
Nëpërmjet video-lidhjes Putini dha komandën për të vënë në funksion akullthyesin Yakutia në ujërat e kantierit detar Baltik në Shën Petersburg dhe mbikëqyri ngritjen e flamurit rus mbi akullthyesin Ural, i cili ende nuk është vënë në funksion.
“Anijet e një klase kaq të lartë janë të një rëndësie strategjike për ne”, ka theksuar Putini në fjalimin e tij me këtë rast.
“Zhvillimi i këtij korridori më të rëndësishëm transporti do t’i lejojë Rusisë të realizojë plotësisht potencialin e saj të eksportit dhe të krijojë rrugë logjistike efektive duke përfshirë Azinë Juglindore”.
Udhëheqësi rus shtoi se Rusia ishte “e hapur për bashkëpunim me partnerët e vet” dhe se “me krejt vështirësitë aktuale do të zbatojnë gjithçka që kanë planifikuar”.
