Më shumë se dhjetë mijë persona kanë marshuar përgjatë Brukselit qendror duke kërkuar përmirësimin e kushteve të punës dhe paga më të larta në sektorin e kujdesit, që ishte kritik sidomos gjatë kohës së pandemisë së koronavirusit.
Aktivistët dhe sindikatat e punëtorëve po kërkojnë që të punësohen më shumë punëtorë në spitale, raportoi AP.
Njëherësh janë kërkuar edhe më shumë shtëpi të kujdesit për pleqtë. Hulumtimet tregojnë se në këtë sektor po mungon interesimi i të rinjve për t’u bërë pjesë e këtij sistemi të rëndësishëm për sistemin social në Belgjikë.
Qeveria e ka pranuar se po përballet me probleme, por ende nuk ka dalë me një plan konkret për adresimin e sfidave.
Aktivistët thonë se ky sektor rrezikon të zhytet në krizë.
