Beteja për Bakhmutin, qytetin ukrainas që Rusia është përpjekur ta pushtojë prej muajsh, po “stabilizohet”, ka thënë komandanti i përgjithshëm i Ukrainës të shtunën.
Valery Zaluzhny ka thënë se përpjekjet e jashtëzakonshme të trupave ukrainase po frenojnë Rusinë. Në fillim të këtij muaji, zyrtarët perëndimorë vlerësuan se midis 20 deri në 30 mijë ushtarë rusë ishin vrarë ose plagosur në Bakhmut që nga vera e kaluar.
Moska është e etur për të fituar pasi nuk ka mundur të arrijë suksese të mëdha në kohët e fundit.
Pavarësisht kësaj, analistët ushtarakë besojnë se Bakhmuti ka pak vlerë strategjike dhe rëndësia e qytetit tani është simbolike. Numri i madh i viktimave ruse mund të jetë arsyeja kryesore pse Ukraina nuk është tërhequr nga qyteti, thonë analistët.
Në Facebook, gjenerallejtënant Zaluzhny ka thënë se megjithëse situata në vijën e frontit të Ukrainës është “më e vështira në Bakhmut”, falë përpjekjeve të mëdha të forcave të mbrojtjes, po arrijnë të stabilizojnë situatën.
© KOHA. Të gjitha të drejtat janë të rezervuara.
