Zjarr në një qendër të migrantëve në Meksikë, raportohet për të paktën 39 të vdekur
Foto: AP
Migrantët, duke u frikësuar nga deportimi, kanë djegur dyshekë në një qendër të paraburgimit të migrantëve në veri të Meksikës. Zjarri doli nga kontrolli dhe si pasojë vdiqën 39 persona, ka njoftuar presidenti i Meksikës, Andres Manuel Lopez Obrador, raporton agjencia AP.
Disa orë pas zjarrit, trupat e pajetë të migrantëve janë vendosur jashtë qendrës në Ciudad Juarez, që është në pranë kufirit me El Pason, Teksas në SHBA. Është një prej pikave më të mëdha të kalimit ilegal të kufirit nga migrantët.
Ambulancat, zjarrfikësit dhe furgonët e morgut ishin prezentë në vendin e ngjarjues.
39 persona kanë vdekur e 29 janë lënduar dhe janë në gjendje mjaft të rëndë, sipas Institutit Kombëtar të Imigracionit. Ishin 68 burra nga Amerika Qendrore dhe e Jugut në qendrën.
Një zyrtar i Guatemalës ka thënë se shumica e migrantëve ishin nga ky vend.
Presidenti meksikan Obrador ka thënë se zjarrin e nisën migrantët në shenjë proteste, pasi mësuan se do të deportohen.
“Ata s’kanë mundur ta imagjinojnë se mund të ndodh diçka e tillë”, ka thënë Lopez Obrador.
