Dhjetë anëtarë të një familjeje në Afrikë të Jugut janë vrarë në shtëpinë e tyre në Afrikë të Jugut.
Sipas Policisë në mesin e viktimave që u vranë nga të shtënat më armë zjarri, janë edhe shtatë gra.
Familja thuhet se u qëllua nga persona të armatosur të panjohur në shtëpinë në qytetin Pietermaritzburg në provincën lindore Kwazulu-Natal.
Ngjarja dyshohet se ka ndodhur të enjten mbrëma ose të premten në orët e hershme të mëngjesit.
Ministri i brendshëm, Bheki Cele, është paralajmëruar se do ta vizitojë skenën krimit të premten.
Afrika e Jugut është vendi me shifrat e vrasjeve, ndër më të lartat në botë dhe ka regjistruar një mori rastesh të vrasjeve masive në vitet e fundit.
Tetë persona u qëlluan për vdekje në një festë ditëlindjeje në qytetin Gqeberha të bregdetit jugor në janar.
Vitin e kaluar, 16 persona të tjerë u qëlluan për vdekje në një bar në qytetin Soweto të Johanesburgut. / DailyMail
© KOHA. Të gjitha të drejtat janë të rezervuara.
