Bjellorusia, një nga aleatët më të afërt të Rusisë, ka rikthyer pjesërisht kontrollet në kufi me fqinjin e saj, ka thënë ministri i Jashtëm bjellorus, Sergei Aleinik.
Kjo është hera e parë në 28 vjet që kanë ndodhur kontrolle në kufirin prej 1,239 kilometrash Bjellorusi-Rusi.
Sipas Aleinikut, rikthimi i kontrolleve ka synim të shmangë hyrjet e shtetasve të shteteve të treta në Bjellorusi, para implementimit të një marrëveshjeje ndërqeveritare për njohjen reciproke të vizave.
Megjithatë, aktivistët për të drejtat e njeriut thonë se ky veprim ka për qëllim të shënjestrojë burrat rusë që përpiqen ta shmangin mobilizimin në ushtrisë ruse.
Aleinik ka thënë se ky nuk është kontroll, por më shumë monitorim i situatës në kufi.
Në vitin 1995, Bjellorusia dhe Rusia hoqën kontrollet kufitare.
© KOHA.
