Kreu i mercenarëve të Wagnerit, Yevgeny Prigozhin, gjendet në Rusi dhe trupat e tij kanë mbetur në kampet ku kishin qëndruar para kryengritjes së dështuar, ka thënë presidenti i Bjellorusisë të enjten.
Presidenti bjellorus, Alexander Lukashenko, ndërmjetësoi një marrëveshje për Prigozhinin pas rebelimit të tij në shkëmbim të garancive për sigurinë e tij dhe ushtarëve të tij dhe lejes që të shkonte në Bjellorusi.
Pasi tha javën e kaluar se Prigozhini ishte në Bjellorusi, Lukashenko tash ka thënë se shefi mercenar është në St. Petersburg dhe se trupat Wagner ishin ende në kampet e tyre, raportoi AP.
Ai nuk specifikoi lokacionin e kampeve, por mercenarët e Prigozhinit luftuan krah forcave ruse në Ukrainë para revoltës së tyre.
Rebelimi ishte një nga kërcënimet më të mëdha kundër presidentit rus, Vladimir Putin, në mbi dy dekada të pushtetit të tij dhe ekspozoi dobësinë e Kremlinit. Prigozhini pati pretenduar se i ishte afruar Moskës kur nisi rebelimin, teksa shpejt pati marrë qytete.
© KOHA.
