Bjellorusia do të përdorë armët bërthamorë në rast “agresioni”, përgjigjet Lukashenko
Bjellorusia do të ishte e gatshme të përdorte armë bërthamore të dhëna nga aleati i saj Rusia në rast të një “agresioni”, ka thënë presidenti Aleksandër Lukashenko, ndërsa tensionet ngriten rreth kufijve të shtetit me vendet e NATO-s.
Minsku ka luajtur rol thelbësor në luftën e Rusisë në Ukrainë, me Moskën që e ka përdorur Bjellorusinë si një nga pikat e saj të nisjes së pushtimit në fillim të vitit 2022, ndërsa stërvitjet ushtarake të përbashkëta Rusi-Bjellorusi kanë ngritur shqetësime se trupat bjelloruse mund t’u bashkohen forcave ruse në konflikt, raportoi CNN.
Në një intervistë Lukashenko pretendoi se Bjellorusia “nuk do të përfshihej kurrë në luftë” vetëm nëse ukrainasit kalonin kufirin e saj. Por shtoi: “Ne do të vazhdojmë ta ndihmojmë Rusinë, ajo është aleati ynë”.
Ai paralajmëroi se nëse provokohet – veçanërisht nga shtetet fqinje të NATO-s si Polonia, Lituania dhe Letonia – Bjellorusia “menjëherë do t’i përgjigjet me çdo gjë që ka”, përfshirë armët bërthamore.
Nuk është e qartë se sa arsenal bërthamor i Rusisë është transportuar në Bjellorusi, dhe SHBA-ja e zyrtarët perëndimorë nuk kanë konfirmuar publikisht se ndonjë armë është transferuar.
