Një gjykatë gjermane ka vendosur se një ushtar i forcave speciale i cili besohet se është në rrezik nga sulmet e ekstremistëve xhihadistë sepse shërbeu në Afganistan, nuk ka të drejtë për leje që të mbajë armë private.
Ushtari aplikoi për leje për armëmbajtje në vitin 2016. Kërkesa e tij u refuzua nga policia. Ai apeloi në gjykatë por ajo sërish ia hodhi poshtë apelin.
Ai është pjesëtar i forcave speciale ushtarake të Gjermanisë dhe ka shërbyer disa herë në Afganistan, raportoi AP.
Gjykata ka thënë se personat që kanë frikë për sulme mund t’u jepet leje për armë “nëse demonstrojnë se ata vetë janë shumë më të rrezikuar sesa publiku i gjerë”.
Por, ka shtuar se i pandehuri dështoi ta dëshmonte këtë gjë dhe se nuk kishte prova që pjesëtari i njësitit special ushtarak është në rrezik të drejtpërdrejt ose se është identifikuar si target i grupeve islamike.
Forcat gjermane u tërhoqën nga Afganistani bashkë me forcat e tjera perëndimore në vitin 2021 pas gati dy dekadash.
© KOHA.
