Ministri i Jashtëm i Rusisë, Sergey Lavrov, i ka quajtur SHBA-në dhe Perëndimin si “mbrojtës të interesave vetjake të një strukture të pushtetit ndërkombëtar që po bie”, raporton agjencia AP.
Lavrov në fjalimin e tij të shtunën në Asamblenë e Përgjithshme të OKB-së ka përmendur shumë pak luftën e Rusisë në Ukrainë.
“SHBA-ja dhe kolektivi i vetë perëndimor, po vazhdojnë të nxisin konflikte me të cilat ndajnë artificialisht njerëzimin në blloqe armiqësore dhe pengojnë arritjen e qëllimeve të përgjithshme. Ata po bëjnë çfarë po munden për të parandaluar formimin e një rendi të vërtetë botëror shumëpolarë. Po mundojnë ta detyrojnë botën të luajë sipas rregullave të tyre egocentrike”, ka thënë Lavrov.
Sa i përket luftës në Ukrainë, ai ka përmbledhë disa ankesa historike që çuan te ndarja e Bashkimit Sovjetik në vitin 1991. Ai ka përmendur miliarda dollraë që SHBA-ja dhe aleatët perëndimorë kanë shpenzuar për ta përkrahur Ukrainën.
© KOHA. Të gjitha të drejtat janë të rezervuara.
