Botë

UNICEF: Rripi i Gazës, vendi më i rrezikshëm në botë për fëmijët

 

Agjencia e OKB-së për fëmijë po bën thirrje për armëpushim të qëndrueshëm humanitar mes Izraelit dhe Hamasit.

Pas rifillimit të operacioneve ushtarake në Rripin e Gazës në orët e para të së premtes, Fondi i Kombeve të Bashkuara për Fëmijët, UNICEF, bëri thirrje për ndalimin e menjëhershëm të armiqësive në enklavën palestineze të shkatërruar nga lufta, duke u bërë thirrje palëve dhe shteteve me ndikim që të sigurojnë armëpushimin.