Jo rrallëherë duket se gjërat në shtëpi lëvizin “vetë”.
“Vetë nuk ka lëvizur asgjë tjetër në shtëpi përveç nënës. Ajo ka qenë vetëm. Është ende vetëm”. Këto janë fjalët që tregojnë thelbin e ekspozitës “Recetë kuzhine”, që është hapur sot në galerinë “Qahili”, raporton KOHA.
Autori Arianit Beqiri tregon për atë se çfarë e ka shtyrë drejt këtij koncepti.
Arianit Beqiri për ta pasqyruar realitetin e shumë grave kosovare nuk ka shkuar më larg shtëpisë.
Fotografia e nënës së tij në kuzhinë dhe një video derisa ajo bën gati “pancirin” me të cilin bën punët e kuzhinës, janë pjesa qendrore ekspozitës.
Nëpërmjet ekspozitës Beqiri ka prekur edhe aspekte të tjera që lidhen me gruan, e cila paraqitet gjithnjë në një realitet prapa grilave.
Ekspozita do të jetë e hapur deri më 6 dhjetor.
© KOHA. Të gjitha të drejtat janë të rezervuara.
