Arrin kontingjenti i parë i gypave për ndërtimin e kolektorit në Shtime

Arrin kontingjenti i parë i gypave për ndërtimin e kolektorit në Shtime

Agim Ademi Agim Ademi 30 September 2019 21:59

Komuna e Shtimes ka përfituar një projekt madhor në vlerë prej rreth pesë milion euro nga Austria për ndërtimin e kolektorit të ujërave të zeza që përfshinë shumicën e fshatrave me një gjatësi prej 22 kilometrash.

Kontingjenti i parë i gypave nga Austria ka arritur gjatë së hënës, në qytetin e Shtimes. Hapësira në të cilën do të ndërtohet kolektori do të ketë sipërfaqe mjaftë të madhe në afërsi të fshatit Voinovc.

Kryetari i komunës së Shtimes, Naim Ismajli, ka thënë se është meritë e përbashkët me stafin e tij që kanë arritur ta përfitojnë një projekt kaq madhorë për komunën e Shtimes, raporton Koha Ditore.

Ai ka njoftuar se gjatë ditës së sotme së bashku me përfaqësuesit e Kompanisë Konsulente dhe Inxhinierike nga Austria “OSTAP” kanë pritur ardhjen e kontingjentit të parë të gypave për ndërtimin e kolektorit për ujëra të zeza.

“Ky është një lajm i mirë për të gjithë qytetarët e komunës sonë për projektin më të madh e më kapital që po ndodh në komunën tonë, atij të kolektorit të ujërave të zeza”, ka thënë Ismajli.

Sipas tij, Shtimja është ndër komunat e para e cila është angazhuar në zgjidhjen e problemit për trajtimin e ujërave të zeza, andaj edhe procesi i projektit tashti do të ecë edhe më shpejt.

© KOHA. Të gjitha të drejtat janë të rezervuara.

Komentet

Shto koment

Të ngjashme