Kosovë

Zhbllokohet pjesërisht kontrata për pastrimin e hapësirave publike në Prizren

Zhbllokohet pjesërisht kontrata për pastrimin e hapësirave publike në Prizren

Komuna e Prizrenit ka arritur që ta nënshkruajë kontratën për pjesën e parë dhe të dytë të prokurimit për mirëmbajtjen e rrugëve dhe të hapësirave të gjelbra në qytet dhe në fshatra, derisa pjesa e tretë me vendim të Organit Shqyrtues të Prokurimit është kthyer në rivlerësim.

Një gjë e tillë ka bërë që drejtuesit e ekzekutivit lokal të shprehin qëndrimin se rrugët e qytetit të Prizrenit tani e tutje do të jenë më të pastra. Në anën tjetër, opozita në nivel komunal ka qenë vazhdimisht kritike për këtë çështje, duke shprehur pakënaqësinë për papastërtinë në hapësirat publike, shkruan sot Koha Ditore.