Qeveria qendrore shpërfilli Spitalin e Pejës

Qeveria qendrore shpërfilli Spitalin e Pejës

Ilir Osmanaj 22 October 2019 08:28

Objektet e Spitalit të Përgjithshëm në Pejë nga jashtë vjet e sivjet kanë marrë dukjen e një objekti modern me izolimin e bërë mureve nga jashtë për efiçiencë të energjisë.

Gjithashtu, sivjet ka modernizuar sallën e saj të konferencave me teknologjinë e fundit informative për telemjekësi, kurse muajin e kaluar ky spital ka nxjerrë jashtë përdorimit filmat për fotografimet radiologjike me digjitalizimin e bërë për shërbimet radiologjike, me instalimin e një programi, i cili të gjithë personelit mjekësor në këtë spital ia mundëson qasjen në çdo fotografim apo incizim të kryer në radiologji, shkruan sot Koha Ditore.

Kurse, me projektin e financuar nga Banka Botërore dhe Qeveria e Kosovës për efiçiencë të energjisë, këtë muaj, pas më tepër së një dekadë helmimi e ndotje të banorëve të lagjes përreth spitalit, nga djegia e mazutit si lëndë në ngrohtoren e spitalit, spitali ka ndërruar sistemin e ngrohjes dhe ka kaluar me pelet si lëndë djegëse.

Mirëpo, modernizimi nuk ka vazhduar edhe më tutje me projektet që spitali kishte shpresuar t’i realizojë. Objekti i ndërtuar para gati gjysmë shekulli, nga brenda ka nisur të tregojë moshën që ka. Varësisht nga sezoni veror apo dimëror, pacientët, por edhe vetë stafi mjekësor përballen me vapë dhe lagështi.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme