Kosovë

Në Mitrovicë diskutohet mbi Ligjin për Mbrojtjen e Fëmijëve

Në Mitrovicë diskutohet mbi Ligjin për Mbrojtjen e Fëmijëve

Në Mitrovicë sot u mbajt tryezë e diskutimit me temën “Ligji për mbrojtjen e fëmijëve”. Në këtë tryezë të organizuar nga ATRC dhe “Save the Children”, u diskutua mbi rregullativën ligjore që mbron fëmijët, promovon dhe kujdeset për zbatimin e të drejtave dhe lirive të fëmijëve, bëhet e ditur përmes një komunikate për media.

Në këtë takim morën pjesë nënkryetari i komunës, Faruk Mujka, drejtori i Arsimit, Egzon Jashari, drejtoresha për Integrime Evropiane dhe Mirëqenie Sociale, Nazan Kërveshi, përfaqësues nga Policia e Kosovës, nga Qendra për Punë Sociale, nga Njësia për të Drejta të Njeriut, drejtorë të shkollave, anëtarë të Kuvendit të Komunës si dhe organizata të shoqërisë civile.