Në mungesë të fondeve, qendrat për mësim nga komunitetet RAE rrezikojnë të mbyllen

Valbona Bytyqi 24 October 2019 19:45

Fillimi i vitit 2020 do t’i gjejë të mbyllura qendrat mësimore, në të cilat tash e 12 vjet, kanë mësuar fëmijë të komunitetit rom, ashkali dhe egjiptas.

Arsyeja e rrezikimit të mbylljes së tyre, sipas drejtorit Muhamet Arifi, është mungesa e mjeteve financiare për të funksionuar.

Në anën tjetër, drejtori komunal i Arsimit, Islam Shabani, premtoi se do të punojnë që këto qendra të vazhdojnë punën e tyre.

Të gjitha këto u thanë pas vizitës së bërë në këto qendra nga zëvendësshefi i Zyrës së BE-së, Riccardo Serri, që u shpreh i kënaqur me bashkëbisedimin që pati me fëmijët e këtyre qendrave.

“Ishte shumë bukur dhe interesante të flasësh me fëmijët nga komunitetet joshumicë dhe t’u shpjegosh atyre se Bashkimi Evropian është këtu për të investuar në të ardhmen e Kosovës, për të investuar në të ardhmen e tyre”, ka thënë Serri.

Këto qendra mësimore kanë të shtrirë veprimtarinë e tyre në katër komuna të Kosovës.

© KOHA. Të gjitha të drejtat janë të rezervuara.

Komentet

Shto koment

Të ngjashme