36 për qind e Kamenicës e përfshirë në grumbullimin e mbeturinave

36 për qind e Kamenicës e përfshirë në grumbullimin e mbeturinave

Feim Azemi 25 October 2019 12:00

Kompania e pastrimit “Ekohigjiena”, me seli në Gjilan, kujdeset për grumbullimin e mbeturinave vetëm për 36 për qind të banorëve të Kamenicës.

Nga 6 mijë e 949 amvisëri të regjistruara në këtë komunë vetëm 2 mijë e 366 amvisëri mbulohen me këtë shërbim.

Ky konstatim ndodhet në planin komunal për menaxhimin e mbeturinave 2018-2022, i cili është publikuar nga qeverisja komunale e Kamenicës. Sipas planit komunal, mbulueshmëria e grumbullimit të mbeturinave është e vogël edhe tek bizneset dhe nga 645 biznese të cilat figurojnë aktive vetëm 208 biznese mbulohen me shërbimin e grumbullimit të mbeturinave. Gjersa mbulueshmëria me këtë shërbim është e kënaqshme sa u përket institucioneve publike, shkruan sot Koha Ditore.

Gjithnjë sipas këtij plani, mungesa e shërbimit për grumbullimin e mbeturinave nëpër vendbanime do të rezultojë me krijimin e deponive ilegale dhe degradimin e mjedisit.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme