Objekti i pensionistëve në Ferizaj rrënohet për t`ia lërë vendin rrethrrotullimit

Objekti i pensionistëve në Ferizaj rrënohet për t`ia lërë vendin rrethrrotullimit

Agim Ademi Agim Ademi 12 November 2019 09:46

Projekti i ashtuquajtur “Bashkimi i qytetit” në Ferizaj ka mbetur peng i objektit të pensionistëve, i cili po e pengon ndërtimin e një rrethrrotullimi në qendër të qytetit.

Ky projekt është kritikuar vazhdimisht nga opozita me arsyetim se ekzekutivi ka keqplanifikuar derisa askush nuk e di saktësisht se ku do të përfundojë ky projekt. Ndërkohë Komuna dhe Shoqata e Pensionistëve në këtë qytet pas negociatave kanë arritur një marrëveshje për rrënimin e objektit të vjetër në pronësi të kësaj shoqate, shkruan sot Koha Ditore.

Rrënimi i këtij objekti në rrugën “Ramadan Rexhepi” ka për qëllim ndërtimin e një rrethrrotullimi.
Ndërkohë në të ardhmen Komuna ka planifikuar t’i rrënojë edhe gjashtë objekte të tjera publike si: QKMF-në, Spitalin, Emergjencën primare etj., me qëllim të ndërtimit të parkut të qytetit që lidhet sërish me projektin “Bashkimi i qytetit”.

Rrënimi i objektit të pensionistëve pritet të bëhet gjatë ditëve në vazhdim derisa të kompletohet dokumentacioni. Drejtuesit e kësaj shoqate kanë thënë se Komuna do t`ua paguajë qiranë e zyrave në një lokacion tjetër derisa t’ia ndërtojnë një objekt të ri dhe po ashtu po ua kompenson edhe qiranë e disa lokaleve afariste, të cilat kanë operuar në këtë objekt.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme