Kosovë

Ndërpriten punimet për impiantin në Pejë​​​​​​​ shkaku i kontestit pronësor

Ndërpriten punimet për impiantin në Pejë​​​​​​​ shkaku i kontestit pronësor

Ka disa ditë që janë ndërprerë punimet e nisura për shtrimin e gypave kryesorë të kanalizimit në dy pika kaluese nga njëra anë në tjetrën të brigjeve të Lumëbardhit, afër rrugës transitore që lidh magjistralet Prishtinë me atë në drejtim të Deçanit.

Shkak i ndërprerjes së punimeve është një kontest pronësor i shfaqur në mes komunës dhe një qytetari për një parcelë prej 9 arësh tokë, që gjendet në lokacionin buzë Lumëbardhit, rreth 100 metra më poshtë urës në rrugën e transitit, që në Pejë njihet si ura e KFOR-it, shkruan sot Koha Ditore.