Kosovë

Banorët e shtatë fshatrave të Lipjanit kërkojnë shërbime shëndetësore prej 24 orësh

Banorët e shtatë fshatrave të Lipjanit kërkojnë shërbime shëndetësore prej 24 orësh
Foto: Ilustrim

Rreth dhjetë mijë banorë të fshatrave Shalë, Krojmirë, Baicë, Resinovcë, Mirenë, Divjakë dhe Kleçkë të Komunës së Lipjanit prej disa vitesh po kërkojnë nga Komuna të ofrojë shërbime 24 orë në Qendrën e Mjekësisë Familjare në Shalë, pasi që QKMF-ja në Komoran, e cila funksionon 24 orë në kuadër të Komunës së Drenasit, nuk po ofron shërbime për banorët e komunave të tjera.

Këtë institucion në Komoran banorët e kanë mjaft afër, derisa emergjencën e Lipjanit mbi 25 kilometra, andaj ata po kërkojnë zgjidhje dhe ofrim të shërbimeve 24 orë. Haqif Drenica, banor nga kjo rrethinë, ka thënë se Komuna e Lipjanit duhet të ofrojë shërbime 24 orë në QMF-në e Shalës derisa frekuentojnë mbi dhjetë mijë banorë, shkruan KOHA.