Kosovë

MSH-ja ka iniciuar kërkesë për hetimin e projektit të QKMF-së në Gjilan

MSH-ja ka iniciuar kërkesë për hetimin e projektit të QKMF-së në Gjilan

Ministria e Shëndetësisë ka gjetur se në projektin e ndërtimit të Qendrës së Mjekësisë Familjare në Gjilan (QKMF) ka parregullsi dhe se është bërë kërkesë për hetim për këtë projekt i cili menaxhohet nga komuna e Gjilanit.

Këtë e ka bërë të ditur ministri i Shëndetësisë, Armend Zemaj, në seancën e Kuvendit të Kosovës meqë për këtë projekt fillimisht është pyetur nga deputetja Arbëreshë Kryeziu-Hyseni (VV) e cila ka kërkuar sqarime për progresin e punimeve në ndërtimin e objektit. Zemaj ka deklaruar se komuna e Gjilanit në vitin 2019 i kishte ndërprerë kontratën kompanisë e cila ishte angazhuar në ndërtimin e QKMF-së mirëpo nuk kishte marrë asnjë masë ndëshkuese ndaj kompanisë e cila nuk kishte zbatuar kontratën.