Kosovë

Viti i dështuar në Prizrenin turistik

Viti i dështuar në Prizrenin turistik

Virusi ka ndikuar që vera e sivjetme të jetë shumë më ndryshe edhe në Prizren. Më e zbrazët, më e varfër dhe më e papërballueshme

Dinamika e verave të shkuara në qendër të Prizrenit, në këtë fillimgusht nuk vërehet. Arsyeja për këtë është mungesa e vizitorëve nga diaspora, si dhe turistëve të huaj, që shkaku i pandemisë COVID-19 kanë anuluar ardhjen në qytetin e vjetër, sikurse edhe mosrealizimi fizik i festivaleve tradicionale. Në mungesë të fluksit të njerëzve edhe sheshi i qytetit dhe rrugët përreth tij duken sikur kanë pamje tjetër. Kjo situatë ka bërë që bizneset e hotelerisë dhe gastronomisë të përballen me vështirësi, por edhe me dilemën për ndërprerjen e punës në muajt në vijim.

Qetësia e pazakonshme për ditët e verës ka kapluar edhe rrugën e “Farkëtarëve”, e cila për turistët e huaj shërben si atraksion për të bërë fotografi. Qarkullimi i njerëzve është rralluar në këtë rrugë të ngushtë.