Kosovë

Pas shumë vjetësh me kolona, Komuna e Pejës intervenon te rrethrrotullimi kryesor

Foto: Koha

Ka më shumë se një dekadë që ngasësit përballën me kolona dhe pritje të gjata rrugëve të Pejës. Tollovi e madhe shkaktohet në rrugën prej udhëkryqit që ndanë rrugën për në spital dhe në drejtim të qendrës së qytetit, e deri te rrethrrotullimi rrugor.

Para dhjetë vjetësh, organizata joqeveritare “Syri i Vizionit” në Pejë, në bashkëpunim me Universitetin e Gentit të Belgjikës kishte bërë matjet e lëvizshmërisë së automjeteve dhe këmbësorëve, dhe kishin identifikuar disa pika që shkaktojnë kaosin e madh në trafik, raporton KOHA.