1 perditesime
12:27

Vërshime në Gjakovë, disa rrugë të bllokuara

Komuna e Gjakovës është prekur ndjeshëm nga reshjet e shiut dhe borës të ditëve të fundit.

Ekipet përgjegjëse kanë dalë në terren dhe po bëjnë pastrimin e ujëmbledhësve. Të bllokuara duken rrugët “Qazim Bakalli”, “Fehmi Agani dhe “Gaspër Karaqi”.

Komuna u ka bërë thirrje qytetarëve të shmangin qarkullimin e këto pjesë.

 

Pas rreshjeve te panderprera ekipet e terenit jane duke bere te pamunduren per pastrimin sa me te shpejte te...

Posted by KRM Çabrati on Friday, January 8, 2021

 

10:57

Situatë e rënduar në disa zona të Gjakovës për shkak të reshjeve

Komuna e Gjakovës ka njoftuar të premten, se si pasojë e reshjeve të shiut dhe borës gjatë mbrëmjes, në disa zona është rënduar qarkullimi.

Sipas njoftimit, në ndisa rrugë qarkullimi është gati i pamundshëm.

“Deri më tani janë raportuar situata të rënduara në hyrje-daljet e qytetit, tek rruga ‘Qazim Bakalli’, tek Ura që lidh Bllokun e Ri me Shkugëzen, kemi bllokim të rrugëve ‘Fehmi Agani’ dhe ‘Gaspër Karaqi’ si dhe paralagjen Brekoc. Lusim qytetarët që të shmangin qarkullimin në këto pjesë”, thuhet në njoftimin e Komunës së Gjakovës në Facebook.

Sipas parashikimeve meteorologjike, reshjet do të vazhdojnë edhe në ditët vijuese

“Situata të tilla do të mund të na përsëriten”, thuhet në njoftim.