Kosovë

Podujeva kërkon që personat me probleme mendore të trajtohen në Institutin në Shtime

Podujeva kërkon që personat me probleme mendore të trajtohen në Institutin në Shtime
 

Kryetari i Komunës së Podujevës, Shpejtim Bulliqi, ka kërkuar nga drejtori i Qendrës rajonale të Shëndetit Mendor në Prishtinë, Sami Rexhepi, që personat që kanë probleme mendore të dërgohen për trajtim në Institutin e Shtimes. Gjatë një vizite në Qendrën e Shëndetit Mendor në Podujevë, Bulliqi ka thënë se rasti i G.C. dhe F.B. janë më të rëndat e atyre që kanë me probleme mendore në këtë komunë.

“Sigurisht që interesimi jonë është për këtë grup të popullatës që është i margjinalizuar dhe e cili ka nevoja për një trajtim më të veçantë. Prandaj ne përveç që morëm informacione nga zyrtarët kompetentë, po ashtu i shprehëm brengat tona se çdo ditë i shohim në rrugë një numër relativisht të madh të personave të cilët kanë nevojë për trajtim dhe të cilët për mungesë të kapaciteteve trajtuese për ta, nuk munden me i vendos dhe me i marrë në trajtim”, ka thënë Shpejtim Bulliqi pas kësaj vizite.