Kosovë

Në Podujevë kundërshtohet rritja e tarifës hyrëse në Stacionin e Autobusëve

Në Podujevë kundërshtohet rritja e tarifës hyrëse në Stacionin e Autobusëve
 

Transportuesit e udhëtarëve në relacionin Podujevë-Prishtinë po e kundërshtojnë shtrenjtimin e tarifës ditore hyrëse në Stacionin e Autobusëve në Podujevë. Çmimi nga 2 në 3 euro i ka detyruar ata që të mos hyjnë fare në Stacion, por të marrin një parking privat për të qëndruar gjatë kohës së marrjes së udhëtarëve. Kryetari i Shoqatës së transportuesve në relacionin Podujevë-Prishtinë-Podujevë, Beqir Mustafa, ka thënë se nga e hëna do të futen edhe në grevë.

“Po ka telashe se Komuna e kanë rrit çmimin për hyrje në stacion. E kemi pas 2 euro tash e kanë bë 3 euro, ndërsa normal duhet me kanë 1 euro. E tash në kohë pandemie e kanë bë 3 euro, na nuk kemi pranuar dhe na kanë largu nga stacioni. E kemi marrë një vend privat dhe po nisemi nga aty. Na në Stacion njëherë nuk hyjmë se na e kemi paraqit edhe grevën prej të hënës, se edhe taksitë ilegalë po na i marrin udhëtarët dhe tash të dyja i kemi bë bashkë”, ka thënë për KOHË-n Beqir Mustafa.