Kosovë

Prizreni nis shpërndarjen e shujtave falas për nxënësit e ciklit të ulët

 

Shujtat falas për nxënësit parafillorë dhe ata të klasave 1 deri në 5 kanë filluar të shpërndahen në shkollat e Komunës së Prizrenit.

Drejtuesit e pushtetit lokal kanë bërë të ditur se nga ky projekt do të përfitojnë mbi 13 mijë nxënës. Të martën, kryetari i Komunës, Mytaher Haskuka dhe drejtoresha e Arsimit, Xhemile Thaçi Vezgishi, kanë vizituar disa shkolla për të parë nga afër ofrimin e këtyre shujtave.