Kosovë

Fushë-Kosova e ndërron pronën komunale me biznesin që ndërtoi në tokë të saj

 

Komunarët e Fushë-Kosovës kanë bërë ndërrimin e pronës komunale me një biznes privat që e kishte ndërtuar një pjesë të objektit të tij në pronë komunale. Zyrtarët opozitarë në këtë komunë nuk e kanë kontestuar këtë, por mënyrën se si është proceduar kjo kërkesë.

Këshilltarët e Vetëvendosjes, ata të Iniciativës Qytetare dhe përfaqësues të shoqërisë civile kanë thënë se një kërkesë e tillë mund të bëhet vetëm kur ka interes publik dhe kur ajo bëhet nga kryetari i Komunës. E në rastin konkret, sipas tyre, është bërë nga biznesi privat.