Kosovë

Vetëvendosje e “shpërfill” propozimin që e kishte për pushimoren sa ishte në opozitë

 

Zyrtarët e Lëvizjes Vetëvendosje në Podujevës sa ishin në opozitë kërkonin që objekti që ishte ndërtuar para 16 vjetësh në Orllan, si pushimore për fëmijët bonjakë të pasluftës, të funksionalizohej si strehimore për viktimat e dhunës në familje. Por tash kur kanë ardhur në pushtet, kanë hequr dorë nga ky propozim. Ata mendojnë ta japin në shfrytëzim për shërbime hoteliere, siç kishte vendosur më herët Kuvendi Komunal. Në anën tjetër, shoqëria civile dhe PDK nuk presin që ky objekt të funksionalizohet sivjet dhe se, sipas tyre, ky do të vazhdojë të mbetet premtim fushate edhe në zgjedhjet lokale të muajit tetor

I pashfrytëzuar vazhdon të mbetet objekti gati njëmilionësh i ndërtuar para 16 vjetësh në Orllan të Podujevës. I destinuar si pushimore për fëmijët bonjakë të pasluftës, ky objekt nuk është funksionalizuar kurrë. E zgjidhje nuk është bërë as pas ridestinimit të tij në objekt hotelier e rekreativ-shëndetësor dhe uljes së çmimit për metër katror.

Shoqëria civile dhe PDK nuk presin që ky objekt të fuksionalizohet as pas ndërrimit të pushtetit në Podujevë.