Kosovë

Muhaxheri s’e përjashton vazhdimin e koalicionit me PDK-në në Pejë

 

Gazmend Muhaxheri i Lidhjes Demokratike të Kosovës, që fitoi mandatin e tretë për të udhëhequr me Komunën e Pejës, s’e ka përjashtuar mundësinë që të vazhdojë koalicionin me PDK-në në këtë komunë.

Muhaxheri të dielën, në zgjedhjet lokale, mori 60.41 për qind të votave duke fituar dy herë rresht pa balotazh. Sivjet në përqindje pati dhjetë për qind më shumë se në zgjedhjet e vitit 2017, por numri i votave të fituara është përafërsisht i njëjtë. Sipas rezultateve preliminare ai mori 22 mijë e 778 vota tash, kurse 22 mijë e 14 vota në vitin 2017 ka qenë rezultati përfundimtar.