Kosovë

Ramosaj ka një kërkesë për qytetarët e Deçanit pas vrasjeve në Gllogjan

 

Kryetari i komunës së Deçanit, Bashkim Ramosaj, u ka bërë thirrje qytetarëve që sot në ora 16:00 të ndezin qirinj në qendër të qytetit, në shenjë proteste dhe solidarizimi me familjet që humbën të dashurit e tyre në ngjarjen e së premtes mbrëma në Gllogjan.

“Të dashur qytetarë të komunës së Deçanit. Ju ftoj që sot, në ora 16:00, të takohemi në qendër të qytetit, për të ndezur qirinj në shenjë proteste dhe solidarizimi me familjet që mbrëmë tragjikisht humbën më të dashurit e tyre! BR”, ka shkruar Ramosaj në Facebook.