Kosovë

Turbullohet uji në Deçan, IKSHPK-ja merr mostra

 

Ministria e Shëndetësisë ka njoftuar se nga Instituti i Shëndetit Publik dhe me kërkesë të ndërmarrjes regjionale “Hidro-Drini” janë marrë mostra të ujit të pijes nga disa fshatra të Deçanit, nisur nga shqetësimi se uji është turbulluar si pasojë e të reshurave.

MSH-ja përmes një postimi në Facebook ka thënë se janë bërë analizat fiziko-kimike dhe të hënën dhe të martën do t’i marrin edhe analizat bakteriologjike të këtyre mostrave.