Podujeva shpall tender për trajtimin e qenve endacakë
Komunarët e Podujevës kanë shpallur tender për të trajtuar qentë endacakë që qarkullojnë në territorin e kësaj komune.
Drejtori për Shërbime Publike, Mbrojtje dhe Shpëtim, Bahri Selimi, i ka thënë KOHËS se për këtë kontratë i kanë paraparë 25 mijë euro. Ai e ka pranuar se kjo shumë nuk mjafton për të trajtuar të gjithë qentë endacakë, por sipas tij, kjo kontratë është e përvitshme.
“E kemi shpallë një tender për trajtimin e qenve endacakë. Këtë e bëjmë çdo vit dhe sivjet kemi paraparë një shumë prej 25 mijë eurove. Kjo kontratë parasheh kapjen, trajtimin, kastrimin dhe lëshimin e tyre. Ndërsa, për ata që janë të sëmurë dhe të rrezikshëm dhe nuk trajtimi rezulton i pasuksesshëm, atëherë do t’u bëhet me eutanazi.
Qytetarët vazhdimisht kanë pasur ankesa për shtimin e qenve endacakë nëpër qytete dhe rreziku që u kanoset nga ta. Në disa raste qytetarët kanë pësuar lëndime nga kafshimi i qenve endacakë, ndërkohë që ka pasur edhe raste që kanë përfunduar me fatalitet.
