Prokuroria Themelore në Gjilan ka kërkuar që të caktohet masa e paraburgimit për një burrë me dyshimin e më 13 prill ka dhunuar një të mitur në Viti, të moshës 15 vjeçare.
“Prokuroria Themelore në Gjilan, Departamenti për Krime të Rënda, ka kërkuar nga Gjykata kompetente në Gjilan, caktimin e masës së paraburgimit ndaj të dyshuarit E.H., pasi dyshohet se ka kryer veprën penale ‘Dhunimi’”, bëhet e ditur përmes një komunikate për media.
Tutje bëhet e ditur se sipas kërkesës, ekziston dyshimi i arsyeshëm, se i dyshuari E.H., më 13 prill 2020, në një shtëpi të pabanuar në dalje të komunës së Vitisë, ka dhunuar të dëmtuarën e mitur të moshës 15 vjeçare, në atë mënyrë që duke shfrytëzuar pozitën e saj ka kryer marrëdhënie seksuale me të njëjtën kundër dëshirës së saj.
“Prokurori i rastit ndaj të dyshuarit ka kërkuar masën e paraburgimit, në afat prej 30 ditësh, pasi ekziston rreziku i arratisjes dhe i ndikimit të e dëmtuara e mitur, ndërsa seanca për caktimin e masës së paraburgimit pritet të mbahet nesër, më 19 prill 2020, para gjyqtarit të procedurës penale”, thuhet në komunikatë.
© KOHA. Të gjitha të drejtat janë të rezervuara.
