Personi i vdekur afër Badovcit është Fadil Suleviqi, ish-pjesëtar i Policisë

Policia e Kosovës ka konfirmuar vdekjen e Fadil Suleviqit, ish-pjesëtar i Policisë së Kosovës.

Në njoftimin zyrtar, Policia thotë se ai është gjetur pa shenja jete të premten rreth orës 14:00.

“Policia menjëherë ka dalë në vendin e ngjarjes, ka kontaktuar familjarët e personit, si dhe ka ftuar prokurorin e shtetit dhe ekipet e mjekësisë urgjente. Ne vendngjarje mjekët kanë konstatuar se trupi i viktimës është i pajetë. Viktima është: F.S, mashkull”, thuhet në njoftim.

Ekipet e hetuesisë dhe krim-teknikës janë në vend të ngjarjes.

Policia e Kosovës ka konfirmuar për KOHË-n se një ish-zyrtar i saj ka vdekur sot, mirëpo nuk e ka zbuluar identitetin e tij.

Burime nga Policia thanë se i ndjeri është gjetur pranë liqenit të Badovcit.

“Ajo që mund të themi tash për tash është se një ish-pjestar i Policisë ka vdekur dhe sipas hetimeve të para nuk ka shenja të dhunës. Për fjalë për vdjekje natyrore. Ekipet janë në vendin e ngjarjes dhe shpejt do të dalin me informacione zyrtare”, ka thënë burimi nga Policia për KOHËN.

Disa burime në Polici, kanë thënë se dyshohet që i ndjeri është Fadil Suleviqi, ish-pjesëtar i Policisë së Kosovës.

© KOHA. Të gjitha të drejtat janë të rezervuara.