Gjendet i vdekur burri që vrau bashkëshorten shtatzënë në Fier
14:15
Gjendet i vdekur burri që vrau bashkëshorten shtatzënë në Fier
Personi që dyshohet se vrau bashkëshorten e tij shtatzënë të mërkurën mbrëma në Fier, Demokrat Medinaj, është gjetur i vdekur sot, ka njoftuar Policia e Shqipërisë.
Medinaj dyshohet se vrau bashkëshorten, Irvana Hyka (28 vjeç), me thikë në prani të familjarëve të të tjerë.
Çifti ka lënë dy fëmijë të vegjël.
E ndera Hyka, raportohet se ishte 6-javëshe shtatzënë.
“Sot rreth orës 10:20, në vendin e quajtur ‘Vija e ngjalës’, është gjetur pa shenja jete shtetasi D.M., 29 vjeç, banues në lagjen ‘Sheq i madh’, Fier, i cili ishte në kërkim nga Policia pasi pasditen e djeshme ka vrarë me mjet prerës (thikë), bashkëshorten e tij”, thuhet në njoftimin e Policisë së Shqipërisë, raporton Tch.
10:33
Në Fier, bashkëshorti vret gruan 6-javëshe shtatzënë
Një krim i rëndë ka goditur një familje në Fier, të mërkurën mbrëma.
Mediat në Shqipëri, raportojnë se bashkëshorti ka vrarë gruan e tij 6-javëshe shtatzënë.
Viktimë është 28-vjeçarja Irvana Hyka, e cila ka lënë dy fëmijë.
Policia shqiptare është në kërkim të të dyshuarit për vrasje, Demokrat Medinaj, 29 vjeç.
“Autori dyshohet të ketë probleme të shëndetit mendor. Dyshohet se ngjarja ka ndodhur në prani të personave të tjerë të familjes”, shkruan Tch të enjten.
