Kërkohet paraburgim ndaj gjakovarit që dyshohet se e theri me thikë vëllain

Prokuroria Themelore në Gjakovë ka kërkuar caktimin e masës së paraburgimit ndaj M.M., me dyshime për lëndim të rëndë trupor.

Prokuroria ka treguar se rasti ka ndodhur në fshatin Rogovë të Gjakovës, ku pas një mosmarrëveshje paraprake i dyshuari ka shkuar në shtëpinë e viktimës F.M. dhe pas një fjalosje e ka goditur atë me thikë në anën e djathtë të brinjëve.

I dyshuari është ndaluar.

Rastin e ka raportuar edhe Policia e Kosovës, që ka thënë se ka ndodhur në mbrëmjen e të mërkurës.

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit, M.M., për shkak të dyshimit se ka kryer veprën penale “Lëndim i rëndë trupor”.

Në Gjakovë, një person ka therur vëllain e tij.

Policia e Kosovës njoftoi se i dyshuari u arrestua ndërsa i lënduari është jashtë rrezikut për jetë.

“Është arrestuar i dyshuari mashkull kosovar, pasi që pas një mosmarrëveshje ka therur me thikë vëllain e tij viktimën mashkull kosovar. Viktima është dërguar në Spitalin e Gjakovës dhe sipas mjekut, është jashtë rrezikut për jetë. Me vendim të prokurorit, i dyshuari është dërguar në mbajtje”, thuhet në raportin e PK-së.

© KOHA. Të gjitha të drejtat janë të rezervuara.