1 perditesime
23:18

​FSK-ja publikon pamje të bombës prej 907 kg që u gjet sonte në Merdare

Forca e Sigurisë së Kosovës ka publikuar foto të një bombe, e cila u gjet sonte jo shumë larg pikës kufitare Merdare, e cila u shpërthye në mënyrë të kontrolluar nga FSK e KFOR-i.

“Ekipi i EOD-së së Kompanisë së Deminimit të Forcës së Sigurisë së Kosovës, së bashkë me ekipet e EOD-së së KFOR-it eliminojnë rrezikun nga një bombë Mk 84 me peshë 907 kg. Kjo bombë është larguar nga tuneli i hekurudhës në Merdare ku është duke u pastruar nga organizata humanitare e deminimit NPA”, thuhet në postim.

Më herët Policia e Kosovës njoftoi se pjesëtarët e KFOR-it kanë shpërthyer në mënyrë të kontrolluar një mjet shpërthyes një kilometër larg pikës kufitare Merdare.

Lajmin për KOHËN e ka konfirmuar zëdhënësi i Policisë së Kosovës, Daut Hoxha, i cili ka thënë se shpërthimin e kanë bërë pjesëtar të KFOR-it, derisa kjo pikë kufitare sipas tij, është mbyllur përkohësisht.

“Me datë 08.12.2021 rreth orës 17:30 në stacionin policor kufitar ( SPK-Merdare) nga pjesëtarë të KFOR-it është kërkuar ndalimi i përkohshëm i qarkullimit të personave dhe automjeteve, për arsye se janë duke e bërë shpërthimin në mënyrë të kontrolluar të një mjeti shpërthyes. Lokacioni i mjetit shpërthyes ka qenë në distancë mbi një kilometër larg pikës kufitare, por për shkaqe sigurie për një kohë të shkurtër është ndërprerë qarkullimi. Rreth orës 18:20 rruga është liruar për qarkullim normal, pa probleme”, ka thënë Hoxha.

19:47

Mjet shpërthyes në Merdare, ndërpritet qarkullimi përkohësisht

Më shumë se një kilometër larg pikës kufitare në Merdare është bërë shpërthimi në mënyrë të kontrolluar i një mjeti shpërthyes, të mërkurën në mbrëmje.

Lajmin për KOHËN e ka konfirmuar zëdhënësi i Policisë së Kosovës, Daut Hoxha, i cili ka thënë se shpërthimin e kanë bërë pjesëtar të KFOR-it, derisa kjo pikë kufitare sipas tij, është mbyllur përkohësisht.

“Me datë 08.12.2021 rreth orës 17:30 në stacionin policor kufitar ( SPK-Merdare) nga pjesëtarë të KFOR-it është kërkuar ndalimi i përkohshëm i qarkullimit të personave dhe automjeteve, për arsye se janë duke e bërë shpërthimin në mënyrë të kontrolluar të një mjeti shpërthyes. Lokacioni i mjetit shpërthyes ka qenë në distancë mbi një kilometër larg pikës kufitare, por për shkaqe sigurie për një kohë të shkurtër është ndërprerë qarkullimi. Rreth orës 18:20 rruga është liruar për qarkullim normal, pa probleme”, ka thënë Hoxha.