Një veturë është kapluar nga flakët, në mëngjesin e së shtunës, në lagjen Dardania të Prishtinës.
Pamje e siguruara nga KOHA tregojnë veturën e djegur derisa ishte shumë pranë semaforëve.
Zëdhënëja e Policisë së Kosovës për rajonin e Prishtinë, Flora Ahmeti, ka bërë të ditur për KOHËN se rasti ka ndodhur rreth orës 07:30.
Sipas saj, nuk ka të lënduar si pasojë e incidentit.
“Sot rreth orës 07:30, kemi pranuar informatën për një incident zjarri në rrrugën"Bill Clinton" në Prishtinë ku është djegur një veturë. Zjarri është lokalizuar. Nuk ka persona të lënduar. Me këtë incident zjarri po merren njësitet nga stacioni Jugu në Prishtinë”, ka thënë Ahmeti.
