Arrestohen për prostitucion një grua nga Shqipëria dhe një burrë nga Kosova
Foto: KOHA/Ilustrim
Policia e Kosovës ka njoftuar të shtunën se ka arrestuar një grua nga Shqipëria dhe një burrë nga Kosova, nën dyshimin se të njëjtit janë marrë me prostitucion.
Sipas njoftimit të Policisë, gruaja është depërtuar në Shqipëri pasi ka masë ndalese për hyrje në Kosovë.
“Janë arrestuar dy të dyshuar, një femër shtetase e Shqipërisë dhe mashkull kosovar pasi që të njëjtit nën këmbim të parave kanë kryer marrëdhënie seksuale. Me vendim të prokurorit i dyshuari është dërguar në gjykatë ndërsa e dyshuara pasi që ka masë ndalese për hyrje në Republikën e Kosovës është depërtuar në Republikën e Shqipërisë”, thuhet në njoftim.
