1 perditesime
Kronikë e zezë

Arrestohen pesë persona për plagosjen e dyfishtë në Klinë

Arrestohen pesë persona për plagosjen e dyfishtë në Klinë
FOTO: KOHA/Ilustrim
17:56

Arrestohen pesë persona për plagosjen e dyfishtë në Klinë

Pesë të dyshuar janë arrestuar të mërkurën në Klinë, në incidentin ku mbetën të plagosur dy persona. Sipas njoftimit policor, në rrugën “Abedin Rexha”, në orën 13:40, janë dëgjuar të shtëna me armë zjarri dhe disa persona janë rrahur mes vete.

Për rastin, Policia i ka arrestuar pesë persona, përfshirë edhe dy të plagosurit, derisa janë konfiskuar 2 pistoleta, 15 fishekë, 2 gëzhoja, 1 brisk dhe 1 sprej.

Ndaj tyre janë iniciuar veprat penale "vrasje në tentativë" dhe "pjesëmarrje në rrahje", ndërsa janë dërguar në mbajtje.

14:40

Dy të plagosur në Klinë

Dy persona janë plagosur në orët e pasdites të mërkurën në Klinë.

Sipas Policisë, të plagosurit janë dërguar në Spitalin e Pejës për trajtim të mëtutjeshëm.

“Rreth orës 13:40, Policia është informuar se ka të shtëna me armë zjarri në Klinë. Policia ka dalë në vendin e ngjarjes, ku ka konstatuar dy persona të plagosur”, ka njoftuar Policia.

Policia ka thënë se janë në grumbullim të informacioneve të para në lidhje me ngjarjen.

Nuk raportohet për të arrestuar.