Kronikë e zezë

Vdiq 41-vjeçari që u plagos me armë zjarri në një lokal në Pejë

Foto ilustrim / QKUK
 

Një 41-vjeçar me inicialet I.G., ka vdekur të martën në Qendrën Klinike Universitare të Kosovës, derisa ishte duke u trajtuar pasi është qëlluar me armë zjarri më 28 qershor në fshatin Kryshec të Pejës.

Drejtori i Klinikës Intensive në QKUK, Shaqir Uka, i ka thënë Kohës se viktima nuk ka arritur t’i bëjë ballë më gjatë plagëve të marra, me ç’rast ka vdekur në orët e mëngjesit të së martës.