Gjakovë, kërkohet paraburgim për të dyshuarin që ngacmoi seksualisht një të mitur
Prokuroria Themelore në Gjakovë ka kërkuar t’i caktohet masa e paraburgimit të pandehurit G.P., me dyshimin se ka kryer veprën penale “ngacmim seksual”.
Në njoftimin e Prokurorisë, të hënën, thuhet se më 1 tetor, i dyshuari ka ngacmuar seksualisht një të mitur, derisa ishte në shoqëri të dëshmitares.
“I dyshuari i ndjek nga pas me biçikletë dhe tërë kohën të dëmtuarës i ishte drejtuar me fjalët ‘hajde të puthi’, ‘hajde afrohu’, e fjalë të tjera degraduese dhe poshtëruese. Pasi që e dëmtuara e mitur së bashku, me dëshmitaren e mitur, takojnë babanë e së miturës. I dyshuari largohet në drejtim të panjohur”, thuhet në njoftim.
Prokurori ka bërë kërkesë që të pandehurit t’i shqiptohet masa e paraburgimit prej 30 ditëve.
