Mbi 60 kilogramë kokainë të fshehura në një kontejnerë me banane janë zbuluar në Itali. Mediat italiane shkruajnë se ngarkesa e bananeve, në të cilën u gjet lënda narkotike kishte ardhur nga Ekuadori.
Ngarkesa e drogës u konstatua pas kontrollit të detajuar të kontejnerit të nisur pas dyshimeve të punonjësve të Departamentit Kundër Mashtrimit të Agjencisë së Akcizave, Doganave dhe Monopoleve -Dogana Savona dhe financierëve.
Në pranga ka përfunduar një shtetas shqiptar, identiteti i të cilit nuk bëhet me dije. Ai është 37-vjeçar dhe banon në Milano, ndërsa u bllokua menjëherë nga financuesit dhe u arrestua me akuzën e trafikut ndërkombëtar të drogës, ndërkohë më pas u transferua në burgun e Genoa Marassit.
Droga, rreth 60 kilogramë kokainë, e ndarë në 50 pako, u sekuestrua dhe u vendos në dispozicion të organeve të drejtësisë. Në momentin e arrestimit shtetasi shqiptar dispononte një armë zjarri dhe 13 fishekë. Po vijojnë hetimet e mëtejshme për identifikimin e marrësve të ngarkesës gjigante të drogës , e cila, nëse do dilte në treg do kapte shumën prej 5 milionë euro./ABCNewsAlbania
