Theren me thikë dy persona në Prishtinë, njëri prej tyre i mitur
Foto: Ilustrim
Policia ka bërë të ditur se dy persona, njëri prej tyre i mitur, kanë kërkuar ndihmë mjekësore në QKUK të shtunën, ndërsa kanë thënë se janë therur me thikë nga persona të panjohur.
Ngjarja ka ndodhur në rrugën “Xheladin Hana” në Prishtinë rreth orës 13:00.
Policia ka arritur ta arrestojë njërin prej të dyshuarve. D.B. 19-vjeçar është dërguar në mbajtje.
“Pas tretmanit mjekësor njëri nga viktima është liruar, ndërsa tjetri ka vazhduar për tretman të mëtutjeshëm. Pas hetimeve është arrit të identifikohet dhe të arrestohet i dyshuari mashkull kosovar. Me vendim të prokurorit, i dyshuari është dërguar në mbajtje”, thuhet në raportin e Policisë.
